vlooi.co.za

Archive for the ‘vlooi se dinge …’ Category

Actionball klasse begin in Stilbaai, Riversdal en Heidelberg op 1 Augustus 2010. Actionball is ‘n fisiese ontwikkelingsprogram vir kinders 2-9 jaar, klassies is ‘n halfuur eenkeer per week. Oefeninge en aktiwiteite word deur middel van speletjies aangebied waar kinders nuwe uitdagings bemeester sonder dat hulle weet hulle leer en oefen! Kontak my vir verdere inligting. Geen registrasie fooie of toerusting benodig; klassies word aangebied in skooltyd by kinders se skooltjies, of alternatiewe reelings kan getref word vir kinders met spesiale behoeftes of tuisbly-maatjies. Mammas welkom om te koekeloer! Grotendeels is dit vet pret!

This post was submitted by Yzelle Swart.

ALTERNATIEF vir berading!
Kunsterapie behels die gebruik van verskillende kuns medias bv;skilder,waardeur die klient homself kan uitdruk in ‘n kunsmedium soos waterverf op ‘n canvas wat ‘n produk vorm.
Wanneer die klient homself uitdruk(deur die gebruik van die waterverf op die canvas) werk hy deur kwessies en vrae wat hom by terapie gekry het.
Kunswerk is die mees effektiefste manier om gevoelens,vrese en fantasiee uit te druk.Daarna kan jy met gesprekvoering dit deurwerk.
Kunsterapie vra jou om jou innerlike ondervindings,persepsies,gevoelens deeglik te ondersoek.
Fokus word gele, op die beelde en vorme wat van binne die persoon kom, te ontwikkel en uit te druk eerder as wat hy of sy in die buitewereld sien.
Vorme van Kuns medias wat gebruik word is alle normale aktiwiteite -(verf,teken,klei)Handwerk aktiwiteite – mosaiek,krale,scrap,houtcraft,scrapmetaal).
Spesiale klas vir mixmediums waar ons create your own design.
Ek werk met kinders,tieners en dames.
Besoek my webwerf www.therapythroughart.co.za

This post was submitted by Sarie Nell.

Vinniger gewigsverlies as om 65 km per week te draf. Sun Slim dieet.Besoek www.Bookamaze.com

This post was submitted by Elzabe.

Die een kan jy maar byvoeg indien jy nie meer hoop het nie … of as dinge nou regtig nie meer is soos jy gedroom het toe jy nog op wittebrood was nie. Dit bring weer alles bymekaar, en vir my die beste van alles: Dit leer mens dat dit regtig werk om tyd (energie, geld, moeite, idees en vele meer) te investeer in die dinge en mense vir wie jy lief is.

Kyk die DVD saam ‘n groepie vriendinne, dalk oor ‘n koppie teen en ‘n doos snesies – Fireproof – jy kan dit sommer huur by jou naaste DVD tak. Dan stap jy oor na CUM toe en koop die boek (the love dare) vir jou en een vir jou vriend/vriendin wat jy altyd moet adviseur as dinge tuis bietjie wankelrig raak.

Nog ‘n boek wat jy maar kan lees indien jy probeer om kinders groot te maak …. ja ons gehoorsame ouers van die jaar 2009 probeer hulle grootmaak.  In ons dae het ons sommer self groot geword.

Wel probeer die 5 Love Languages of Children … en moenie vergeet om jou eie een ook te lees vir Adults nie!!

…. seker baie van julle het al Hettie Britzz se boek gelees oor “Kweek kinders met Karakter.”

Ek het sopas besluit ek het die moeilikste huis in ZA:

Ek is ‘n roosboom.

My dogter van 4 ook.

So ook my seuntjie van 3 ….

Nou wat nou ……

My ma praat altyd van monsters, soms wonder ek hoe waar die was, of te wel is!

Daar is monsters van ‘n jaar of twee gelede, en soms as ek na die musiek op die radio luister, maak dit op vreemde maniere herinneringe van die bekende monsters in my wakker …

BOE!

Spoke maak vir Janko bang,
maar sy teddie Krakkie sal die hele lot verslaan.
As jy in die gang af loop,
moet jy net “boe” se^, dan is die monster sommer dood.
Steve Hoffmeyer die Suid Afrikaanse sanger het nie verniet ‘n hele DVD gemaak om kinders in te lig hoe om van monster spoke ontslae te raak nie:
Bordkryt op jou wange,
pampoen eet … en tandepaste op jou tande.
Teddie in jou hande
en ‘n groot harde BOE in jou stembande.
So het klein Janko oorwin: die donker gang…
Later alleen die buitekamer beman…
Hy het geglo in wat Mamma hom vertel
En tot vandag toe het sy hom nog NOOIT teleurgestel

Dieselfde ma het hom ook vertel, dat Klaasvakie in die aande die liggies vlieg en tel.
As jou liggie brand, kan hy dalk net dalkies hier langs jou land.
So het ons gou die ligte afgesit,
En mammie het natuurlik nie lank daana heerlik met haar eie boek gesit!

Dan is daar die monster van Julia Donaldson: Goorgomgaai
as jy die boek lees waai jy die dom monster sommer koebaai!
Die muis kom agter dat sy verbeeldingsvriend wel bestaan
Met sy borrie geel oge en harde purper stekels op sy rug
Laat hy die vos, die uil en die slang dadelik vlug
Maar die muis is muggie maar man
Teen die monster het hy ‘n plan beraam
Hy ken sy storie en oorwin die monster en sy gaatjie
Maak ‘n einde aan die “muis op roosterbrood” praatjie!
Wie nie sterk is nie moet slim wees, dit is gewis
Dit sal die monster storie jou leer, sonder twis!!

Die Pikkenolsies van Max Lucado het gou geleer
Dat daar monster is wat Pikkenolse nie kan sien nie,
Soos die groen neuse mode, wat jou stywe nek laat kry
En die geel, pers en blou neus mode wat jou sak plat sal vry.
Dan was daar die mense wat kolle en sterre op almal wou plak
Kan jy jou indink dat iemand anders jou wysmaak nou’s jy oulik of swak
Die onsigbare monsters kom broei in jou gedagtes
En bring oor jou lewe allerande onnuttige en valse klagtes
Die geheim om die monsters te oorwin
Is om in jouself en jou skepper te glo dis gewin!

Ek is van opinie dat die monsters my baie laat baat:
Van my selfvertroue, geloof in myself of om monsters met rus te laat.
Ek het geleer dat ‘n mens jou man moet staan,
Of dit nou met BOE is of om ‘n plan te beraam.
Ek glo ons kan die onsigbare monsters in ons lewens oorwin
As ‘n Pikkenols dit kan doen, is daar vir ons almal ‘n begin!!

Geniet die monsters in jou lewe
En dalk kan jy van hulle eendag vergewe …
Kyk in die spieel jy het alles gekry
Om enige monster in jou lewe ver agter te laat bly!

….BOE !

(toespraak geskryf vir Graad 3 Leerling in Amersfoort) (C) 2009 Mignon Smit

Die storie het ‘n rukkie terug gebeur, seker so 3 weke al, maar na ek ‘n oproep van die koerant ontvang het, het ek besluit om tog iets oor kinderveiligheid op vlooi te sit. Ek net nou die ander dag by PnP by Northcliffe Square gestop om dit en dat te gaan kry vir die na-week. Uitgeklim en wat sien ek daar: baba in motor, wakker maar stok siel salig alleen. Ek het besluit om maar vir die ma te wag. Te bang dat iemand anders die kind sal steel of dalk gebeur daar ‘n ongeluk en die ma is nie daar nie… wie weet wat alles kan gebeur. Die karwag het gereken sy sal net 2 minute wees. Wel dit was later 20 minute. Ek het natuurlik 10111 gebel en die saak aangemeld, want wie weet watse tipe ma by die winkel gaan uitkom. As sy enige iets soos ek is, sal die polisie dalk moet ingryp… veral as dit by my kinders kom.

Die pop het toe opgedaag. Heel verward toe ek haar beveel om die motor oop te sluit, die kind te red en toe die sleutels konfiskeer. “Jy sal nou maar vir die polisie moet wag…” Sy was uit die veld gelaan. Glo die karwag aangestel om haar kosbare 2 jarige “toe” slapende blonde bondeltjie vir haar veilig op te pas terwyl sy inkopies doen. Ek het toe maar die verbeelding laat posvat en gevra of die man haar oom is? O, nee … ken hom van geen kant af nie, maar vertrou hom genoeg met haar kosbaarste besitting. Wat as hy sien dit is sy kans van ‘n leeftyd, jou kind red uit die kar, weet hoe die ma lyk en sal haar self gaan soek in die winkel en dan met haar verdwyn… haar hart verkoop, haar niere, haar hand aan die een en hare aan ‘n ander, na die afloop van …. Sy was naderhand in trane. Sy het erken dat sy naief was en nooit weer so iets sou doen nie. Ek het natuurlik die SAP gebel en verduidelik dat die ma opgedaag het. Moes verslag doen aan hulle. Die foto van die motor, baba ens. het ek nie aan die koerante uitgelek nie, voel die ma het haar skrik gekry. Onderwyseres nogal, nou weet ek hoekom ek my kinders self grootmaak ….

Sal sy dit weer doen? Sal jy? Maak jy jou mond oop vir kinders of moet die bloed op die voorblad of teerpad eers die praatwerk doen? Ry gister en sien hier in JHB is ‘n diens wat kinders na-skool rondry. Oulike ou motortjie, net jammer die antie wat bestuur voeter so met haar selfoon dat ek nie my kind in daardie hande sal wil laat nie. Wie was dit, laat ek dink kan nie onthou nie maar dit het gerym, oulike naam.

Ag ek praat nie eers van mense wat nie hulle kinders in die motor vasgespe nie. Ek wag vir die eerste aanklag van moord teen ‘n ouer wat ingelig is van die gevare, en steeds die kind los laat. “Ag, hy hou nie daarvan nie …” hy is baie maller oor sy gestremdheid wat hy weens die ouer se nalatigheid gekry het…” Mense julle is siek. Maak vas die kind. Dit is immers hoekom jy die volwassene is, jy moet besluite neem vir die kind, in sy belang. Ek dink dit is hoog tyd dat dit ‘n wet word, waar ek ‘n motor registrasie kan laat lys, en die persoon moet dan ‘n boete kry. Van die mense in my familie en vriende sal natuurlik eerste op my lys wees. Kan glad nie hul logika verstaan van “ons het so groot geword” nie. Toe was daar minder motors, minder navorsing, laer spoed… en natuurlik seker oningeligte ouers … en dit is omtrend al wat dieselfde gebly het.

Was die ander dag by ‘n eetplek, sal die naam noem as ek daar was en sien die nette is nie op nie. Ek het gevra om die swembad, wat in ‘n koi-dam omskep is se net op te sit. Die swembad is pikswart soos die hel, en sou my kind inval sal ek nie eers weet waar om hom uit te duik nie. Die – mag ek byvoeg – onnosele vrou reken my toe mos dat hulle nog nooit ‘n insident gehad het nie, en dat ‘n net nie nodig is nie. Ek het gehoor die plek het nuwe eienaars, sal gaan kyk of hulle ag geslaan het op 702 se oproep na hulle om die net op te sit. Hoekom doen besighede dit? Hoekom reageer hulle nie op kliente versoeke nie, maar eers as die media hulle bel en slegte publisiteit hulle besigheid kan skade aandoen?

In elk geval, as jy weet van ‘n eetplek, waar kinders kan verdrink, ‘n speelplek waar hulle kan seerkry, of sommer net ‘n gebou wat gevaarlik is – soos die reelings by die Virgin Active Cresta waar kinders kan inval by die trappe, los jou kommentaar hier. Ek wil die plekke vermy, en verkieslik nie ondersteun nie, want ek van my kinders orals met my saam.

Is dit nie snaaks hoe mens skielik agterkom dat die wereld maar min omgee vir die goedjies nie? Spoedsones in en om skole in AU is baie stadiger as hier, ALTYD. Padveiligheid, parkeerareas – waar is die plekkie vir die ma met die 4 orrelpypies in ‘n ry? Ek weet Thabazimbi se Shoprite het ‘n plek vir ma’s met kinders, veilig na aan die ingang en afgebaken.

Nou-ja. So kan ek aangaan oor bediening van koffie in restaurante, waar kinders aan tafel sit. Plak dit sommer voor die kind neer, sonder om te wonder -weereens opleiding. Dan die trappe, die reelings in winkelsentrums, parkeerareas, winkeltrollies, winkelrakke en die gepak van winkelitems op die sypaadjie wat nie veilig is nie. Stene wat die bouerye so op die sypaadjies afpak, wat op ons verbygaande ma’s met stootwaentjies kan omvoeter – ja!

Ek sal maar die rokers die keer uitlos. As ek daai kind in jou motor sien rondspring, en ek het kans om ‘n foto te neem, of om jou registrasie nommer af te skryf, gaan ek jou registrasie nommer hier wys!!!

Vir die kinders, wat nie ‘n stem het nie !!

wurms, wurms net waar jy kyk en almal wat te pragtig lyk!!

Vandag het ek en my twee kinders vir die ma’s, pa’s en grootouers en natuurlik die kinders by ‘n kleuterskool gaan wys hoe ons die wurms voer!! Ons het vir die skool ‘n wurmplaas opgestel en dit was toe natuurlik tyd om vir die kinders te gaan wys hoe die wurms se ete voorberei moes word.

Ek het alles saamgevat, appel, wortels, lekker vrot tamaties, pampoenskille en sitrus. Die lemoen het ons vir Arthur die tuinier gestuur, want die wurms kan nie sitrus eet nie. Die res van die kos het ons toe met die “twister” fyn gemaak en lekker met koerantstukkies – wat die kinders self moes skeur – gemeng. Julia het haar teesakkies aangestuur en toe het die sommer na ‘n lekker slaai gelyk! Een het dit met ‘n gieter natgemaak, en toe was die kos reg. Omdat die kinders nog net die swart wurmhouer gesien het maar nog nie ingeloer het nie, het ek die wurms op ‘n koerant uitgegooi. Op die vraag wie ‘n wurm wil vashou, was daar net 40 kinders wat gelyk gegil het: “Ek, ek, ek”. Ag, ek moes geweet het die voorlegging by ‘n montessiri skool gedoen, en die kinders wil alles vat en voel!!!

So, as jy ook ‘n wurmplaas in jou agterplaas of jou motorhuis wil opsit en jy wonder hoe, kry nie die regte antwoorde nie, kom gesels met my hier op vlooi. Ek help jou graag om sommer alles self te koop, gate te boor en die hele ding self aan die gang te kry. Ek sal foto’s neem en later vir julle opsit.

Ons kom nou-net van ‘n lekker aand se gekuier saam die kiddies af. Oppad terug. Sal die vark nou wraggies ‘n rooi lig oorsteek, sodat die aankomende verkeer moet rem!! Ek kan dit nie hanteer nie. Dit kon ‘n motor met kinders in gewees het, ou mense, ‘n taxi vol onskuldige werkers oppad huistoe of de hel met wie: enige iemand se lewe is iets werd. Maar nee, meneer met die pick-up truck mag mos. Hoekom, want die engin onder die kap brul meer as die verstand in sy kop!! As jy die rooi lig oorsteek, steur jy jou ook nie aan die spoedgrens nie? Ja, en jy ry in die geel streep sodat die ambulans nie BETYDS by die beseerde kan uitkom nie. Jy dra dan seker ook nie jou veiligheidsgordel nie, o, en jy koop die “dom” speedcop om? Ja? Verder, betaal jy nie die boetes nie want jy ken iemand wat dit vir jou “crush”. Jip!! Klink dit bekend? Wel ek dink jy is ‘n padvark en dit eskaleer in die doen en late van die res van jou lewenswyse. Want jy is die meneer wat om die braaivleis vuur kla oor “roadrage” oor die mense wat die wet verbreek. Jy kla oor die diefwering wat op jou vensters is, omdat die misdaad so hoog is…. maar jy, jy is hoe dit begin. Bietjie hier, bietjie daar en siedaar: Voor jy weet is jy die volgende moordenaar van onskuldige mense, jy is die rede hoekom mense omkoopbaar is – jy bied dit aan.

Al ooit by ‘n ongelukstoneel verby gery? Wie dink jy versper die pad 90% van die tyd? Die ou met die groot engin, wat nie eers kan CPR doen en hulp aanbied nie. Hy is weereens die donder hoekom ek moet wag, hoekom die volgende botsing plaasvind. Sy ou trokkie – die rooi een – versper die pad, soveel so, dat gin mens verby kom nie… en as jy mooi kyk staan hy met sy hande in sy sakke – weet nie wat hy daar in kry om mee te speel nie – en gesels met sy tjommie, wat die kar gaan haak … hy kon nie eers die deal kry nie.

Ag, dit maak my siek. Wens ek het meer akostiek in my gehad om die ruit oop te draai en vir die oink te skree: Hey boet, haal jou hande uit, daar’s niks, jy het die sleutel in die egnition vergeet, move daai beestrok van jou!!! Jy stink!!

As jy in die besigheid is, laat weet my hoeveel van jou mense kan HELP om ‘n ongeluks toneel, sonder om die pad te versper, ‘n tweede ongeluk te veroorsaak of die oorsaak is van ‘n ongeluk. Hoeveel van julle platanna’s kan meer doen as net deel wees van die misdaad syfer, deel van die roadrage? Ek dink julle outjies moet bietjie iets terug ploeg in die samelewing. Wat van verkeer reguleer, BUITE die trokkie, ipv op die middelman sit en slaap? Wat van bietjie papiere optel, verkeersligte “geel strepies” opplak? Hoekom help julle nie verkeersligte se rooi liggies was nie? Huh?

Kom met ‘n voorstel, want ek kan aan niks dink wat ek al ooit gesien of van gehoor het van julle bromponies wat GOED is nie. NIKS.