vlooi.co.za

Archive for the ‘Geregte en ligte etes’ Category

Beste kwaliteit beskikbaar, plaaslik gedroog vanaf Italiaanse kultivars.

This post was submitted by Cecil Badenhorst.

Tunatert – Gerbrecht vd Vyver

150 g Skyfies (Kaas en uie geur)
2 Blikkies Tuna
1 Blik Sampioenroomsop
2 Geklitste eiers
Baie Kaas (Omtrent 1 Koppie gerasper)

Breek die skyfies fyn, vlok Tuna, en voeg sop, eiers en kaas by. Meng alles goed en bak in die oond vir ongeveer 1 uur by 180ºC. (Ek braai gewoonlik bietjie fyn gekapte uie en voeg ook 1 eetlepel Mayonaisse en pietersielie by.)

Tunatert – Gerbrecht vd Vyver

1 blik Tuna.
30 ml. meelblom.
2 eiers.
375 ml. melk.
250 ml. gerasperde kaas.

Metode

Klits eiers en melk goed. Meng tuna, meel en kaas met eiermengsel. Bak vir 30 minute in oond teen 350 Grade F ( 180 Grade C ) Kan met pietersielie versier word.

Tuna Spaghetti – Gerbrecht vd Vyver

Bestanddele:

Halwe pak spaghetti
Dik wit uie sop (afhangende van hoeveelheid melk)
2-3 koppies melk
3 blikke tuna
sampioene
uie
gerasperde kaas
sout en peper na smaak

Metode:

Maak spaghetti gaar en hou warm. Braai uie en sampioene. Meng melk en soppoeier. Verhit totdat sopmengsel lekker dik is. Meng tuna en kaas en sampioene en uie in die sopmengsel. Bedien as sous oor die spaghetti. (Sous is baie sout a.g.v sop. Moet dus nie sout bygooi nie.)

Souttert – Korsloos – Gerbrecht vd Vyver

2 groot eiers, geklits
1½ koppie Meel
10 ml Bakpoeier
5 ml Paprika
2 ml Sout
4 kop Melk
250 gram Kaas, gerasper
250 gram Spek, gesnipper } OF 500 gram Ham-polony
250 gram Ham-polony, gerasper}
6 hargekookte eiers, grof gerasper
2 stewige tamaties, grof gerasper
1 groot uie, grof gerasper
Gekleurde uitjies, kleiner gesny

Metode:

Sif droë bestanddele saam. Klits eiers en melk. Meng alles saam. Bak in gesmeerde bak vir 30 minute by 180°C. Lewer twee groot ronde terte.

Souttert – Gerbrecht vd Vyver

1 blik beef
1 blik worsies
1 blik sweetcorn
1 desertlepel bakpoeier
1 koppie meelblom
5 eiers
1 koppie kaas
2 koppie melk
1 eetl pietersielie
1 ui
1/2 koppie kookolie
sout

Meng alles goed, en bak in oond teen 180 Grade C tot gaar.

Souttert – Gerbrecht vd Vyver

Week 4 dik snye wit brood in 2 kop. melk en druk fyn.
1 blik weense worsies
1 kop. gerasperde kaas
3 eiers, geklop
knippie peper
Sout
Pietersielie

Meng alles saam en bak teen 180 Grade C.

Souttert – Gerbrecht vd Vyver

Smelt saam:

30 ml. botter.
Voeg 30 ml. meelblom stadig by.
Voeg 500 ml. melk stadig by en roer tot dik en glad.
Voeg bogenoemde by 2 geklitste eiers en meng goed.

Voeg by:

125 g. Fyngesnyde gebraaide ontbytspek.
125 g. Fyngesnyde ham.
125 g. gerasperde kaas.
2 hardgekookte gerasperde eiers.
Sout en peper en aangemaakte mosterd na smaak.

Bak in gesmeerde vuurvaste bak in oond teen 180 Grade C tot gaar.

Souttert – Gerbrecht vd Vyver

450 ml Melk
1 blik Soutvleis
500 ml Kaas, gerasper
125 ml Meel
2 Eiers, geklits
1 groot ui, gekap
5 ml Sout
5 m Mosterdpoeier
5 ml Gedroogde pietersielie

Metode:

Meng alles saam. Gooi in gesmeerde bak. Bak tot gestol en ligbruin teen 180°C.

Skons se geheim

Die anderdag is ek by my buurvrou Johanna om ‘n resept soek, toe sy die geheim met my deel. Skons moet nooit hard wees nie en dit kry jy net reg as jy die volgende in jou skons gebruik:
# Yoghurt
# Suurroom
# Karrinmelk
# Maas

Hier volg die resep:

Skons Resep van Jeraldine Johnson

4 k Bruismeel
½ k of 125 g Margarine (Stork)
2 tl Suiker
2 Eiers
150 ml Yoghurt, suurroom, karringmelk of Maas van swartes
Knippie sout

Krummel die meel, suiker, sout en margarine in Kenwood. Klits die eiers en suurroom mensel. Sny met ‘n mes in by die droë bestanddele, totdat dit beging styf word. Neem deeg en bol dit in jou hande tot ‘n stywe deeg. Druk die deeg vas op ‘n hout bord tot ongeveer 2 cm en druk met koekdrukker uit.
Bak vir 10 min teen 220ºC oond.